З 11 па 14 ліпеня 2024 г. у Віцебску пройдуць асноўныя мерапрыемствы XXXIII Міжнароднага фестывалю мастацтваў "Славянскі базар".
На XXXIII-ым фестывалі ў канцэртнай зале "Віцебск" дадуць канцэрты Алег Газманаў, Дзмітрый Малікаў, Стас П'еха, Сяргей Лазараў, Любоў Успенская, Уладзімір Прэснякоў-малодшы, Вікторыя Алешка, Яраслаў Сумішаўскі і Ані Лорак, а таксама пройдзе пластычны спектакль Ягора Дружыніна. Начныя опэн-эйры традыцыйна збяруць моладзь, а публіка з вытанчаным густам зможа атрымаць асалоду ад джазу ў філармоніі. Тэатральны квартал парадуе супер-прэм'ерамі сезона, Dream Dance Fest – усёй разнастайнасцю танцавальнай палітры, ад народных танцаў да тэхнічнага кантэмпу.
