У мэтах выканання Указа Прэзідэнта Рэспублікі Беларусь ад 16 чэрвеня 2003 г. № 254, рэалізацыі канстытуцыйнага права работнікаў на атрыманне поўнай і дакладнай інфармацыі аб дзейнасці дзяржаўных органаў, аб палітычным, эканамічным, культурным і міжнародным жыцці, аб выніках дзейнасці органаў мясцовай улады, кожны трэці чацвер месяца ў Астравецкім раёне праводзіцца адзіны дзень інфармавання.
Практыка падрыхтоўкі і правядзення адзіных дзён інфармавання
Адзіны дзень інфармавання - гэта комплекс мерапрыемстваў, якія штомесяц праводзяць члены інфармацыйна-прапагандысцкіх груп і запрошаныя дакладчыкі.
Адзіныя дні інфармавання з'яўляюцца эфектыўным сродкам "зваротнай сувязі" з людзьмі, тлумачаць іх правы і абавязкі, палітыку дзяржавы і рашэнні мясцовых улад; адбываецца абмен думкамі па найбольш актуальных грамадскіх пытаннях, не застаюцца па-за ўвагай праблемы горада, рэспублікі, працоўнага калектыву. Прапановы, заўвагі і просьбы, якія паступілі, абагульняюцца, прымаюцца меры і кантралюецца іх выкананне. Многія пытанні, агучаныя на адзіным дні інфармавання, вырашаюцца больш аператыўна. Практыка пры гэтым паказвае, што любое пытанне заўсёды прасцей вырашыць на месцы, у працоўным парадку, чым бюракратычнымі метадамі.
Асноўнымі задачамі інфармацыйна-прапагандысцкіх груп з'яўляюцца:
- Растлумачэнне ідэалогіі беларускай дзяржавы і асноўных напрамкаў дзяржаўнай палітыкі.
- Шырокае інфармаванне грамадзян краіны аб дзейнасці Прэзідэнта Рэспублікі Беларусь, Нацыянальнага сходу Рэспублікі Беларусь, Савета Міністраў Рэспублікі Беларусь і іншых дзяржаўных органаў.
- Вывучэнне грамадскай думкі і аналіз грамадска-палітычнай сітуацыі ў краіне.
- Вызначэнне прыярытэтных напрамкаў у інфармацыйна-прапагандысцкай рабоце сярод працоўных калектываў.
- Аказанне метадычнай і арганізацыйнай дапамогі членам груп, забеспячэнне кантролю за іх дзейнасцю.
- Вывучэнне і абагульненне досведу ідэалагічнай і інфармацыйнай працы інфармацыйна-прапагандысцкіх груп, падрыхтоўка рэкамендацый па ўдасканаленні іх дзейнасці.
- Разгляд зваротаў грамадзян, якія паступілі ў ходзе адзіных дзён інфармавання.